#WythnosYmwybyddiaethYG | Diwrnod 2

Mae’n #WythnosYmwybyddiaethYG – cyfle i ni siarad am effaith negyddol ymddygiad gwrthgymdeithasol ar unigolion a chymunedau, a beth rydyn ni’n ei wneud i fynd i’r afael ag ef yng Ngwent.

Dyma rai o’r pethau mae ein tîm wedi bod yn eu gwneud:

• Ymunodd swyddogion Pont-y-pŵl gyda chynghorwyr a chymdeithasau tai ar gyfer sesiwn galw heibio.
• Aethom i Ysgol Gynradd Malpas Court i siarad am rôl Swyddog Cefnogi Cymuned, ein timau plismona cymdogaeth ac i ddangos y tu mewn i gar heddlu i’r plant.
• Bu swyddogion cefnogi cymuned Pilgwenlli a phartneriaid ym Maesglas yn nodi llefydd sy’n profi ymddygiad gwrthgymdeithasol a rhoi cynlluniau gweithredu ar waith.
• Aethom i Dŷ-du a Dyffryn gyda Chartrefi Dinas Casnewydd, i siarad â thrigolion lleol, nodi unrhyw broblemau a sicrhau eu bod yn gwybod lle a sut i riportio pryderon.
• Cynhaliodd swyddogion Sir Fynwy sesiynau galw heibio yn Nhrefynwy a’r Fenni gyda’r gymdeithas tai lleol.
• Aeth swyddogion cefnogi cymuned i ymweld ag Ysgol Gynradd y Garn.
• Arestiodd swyddogion Cil-y-coed ddyn ar ôl iddo dorri gorchymyn gwarchod cymunedol a oedd mewn grym yn dilyn ymddygiad gwrthgymdeithasol yn y dref. Bydd yn ymddangos yn y llys ddydd Llun.
• Mae swyddogion ym Magwyr yn gweithio gyda phartneriaid i dargedu ymddygiad gwrthgymdeithasol a difrod troseddol yn y man chwarae amlddefnydd (MUGA).

Os ydych chi’n dioddef ymddygiad gwrthgymdeithasol, gwnewch yn siŵr eich bod chi’n gwybod beth yw eich hawliau.