Mae Wythnos Ymwybyddiaeth Ymddygiad Gwrthgymdeithasol wedi gorffen, ond mae ein gwaith yn parhau...

Parhaodd gwaith ein timau i dynnu sylw at Wythnos Ymwybyddiaeth Ymddygiad Gwrthgymdeithasol diwedd yr wythnos ddiwethaf ac ar y penwythnos. Dyma rywfaint o'r gwaith a wnaethant...

- Patrolau ar y cyd ym Metws gyda Thîm Gorfodi Sifil Cyngor Casnewydd.

 

- Ymunodd swyddogion Casnewydd gyda wardeiniaid y cyngor i siarad â seiclwyr a oedd yn teithio yn yr ardaloedd i gerddwyr yn y ddinas. Cafodd 44 ohonynt eu stopio a gofynnwyd iddyn nhw ddod oddi ar eu beiciau.

 

- Roedd y fan gemau yn llwyddiant ysgubol ym mharc Maesycwmer a pharc Morgan Jones - mae'r fan yn rhoi cyfle i ni siarad â phlant (a'u rhieni) am ymddygiad gwrthgymdeithasol, ac yn rhoi cyfle iddyn nhw drafod unrhyw broblemau sydd ganddyn nhw.

 

- Gwnaethom ymweld ag Academi Pobl Ifanc Ringland i siarad â phobl ifanc 16/17 oed am ymddygiad gwrthgymdeithasol a'i ganlyniadau a'u cyfrifoldebau nhw wrth reidio beiciau a sgwteri trydan.  

 

- Gwnaethom siarad â swyddogion y dyfodol yn ffair gyrfaoedd Ysgol Gynradd High Cross.

 

- Cafodd plant Ysgol Gynradd Glasllwch gyfle i weld y tu mewn i gar heddlu pan aethom ni draw i'w ffair haf nhw.


- Aeth swyddogion i weld canolfannau henoed yng Nghaerffili i siarad â'r trigolion ac i gynnig cyngor atal trosedd.
 

Efallai bod yr ymgyrch penodol yma wedi gorffen yn awr ond mae ein gwaith ni i leihau ymddygiad gwrthgymdeithasol a chodi ymwybyddiaeth o'i effaith yn parhau.

Mae ein timau ar grwydr yn eich ardal chi i fynd i'r afael â'r problemau mwyaf pwysig i chi. Os ydych chi'n profi ymddygiad gwrthgymdeithasol, siaradwch â ni, neu riportiwch y mater:

 

Ffoniwch ni - 101.

Anfonwch neges uniongyrchol atom ni.

Defnyddiwch ein system riportio ar-lein: https://www.gwent.police.uk/ro/report/asb/asb-v3/report-antisocial-behaviour/?utm_source=Facebook&utm_medium=social&utm_campaign=Orlo&utm_content=ASB+awareness+week