Apêl am fanylion yn dilyn tân mewn tŷ yng Ngelligaer
Cynnwys y prif erthygl
Mae swyddogion sy’n ymchwilio i dân bwriadol yn Greenhill Place eisiau siarad â dau ddyn a welwyd yn yr ardal adeg y tân.
Gwnaethom ymateb i adroddiad am dân mewn tŷ yn Greenhill Place, Gelligaer, tua 2.30am dydd Sul 30 Ebrill.
Aeth diffoddwyr tân o Wasanaeth Tân ac Achub De Cymru i’r lleoliad hefyd ac, yn dilyn ymchwiliad ar y cyd rhwng y Gwasanaeth Tân a Heddlu Gwent, credir bod y tân wedi cael ei gynnau’n fwriadol.
Roedd parafeddygon o Wasanaeth Ambiwlans Cymru yno hefyd a gwnaethant roi triniaeth i ddau o bobl - menyw 26 oed a bachgen pump oed – am fân anafiadau. Aeth y bachgen i’r ysbyty’n ddiweddarach er mwyn gwneud yn siŵr ei fod yn iawn.
Hoffai swyddogion sy’n ymchwilio siarad â dau o bobl a welwyd yn Greenhill Place adeg y tân.
Yn ôl y sôn, cerddodd y ddau ohonynt o’r ardal i gyfeiriad Hamman Place cyn mynd i mewn i gar tywyll a chredir eu bod wedi teithio i gyfeiriad Bargod.
Mae ymholiadau’n parhau a gall unrhyw un â gwybodaeth, gan gynnwys lluniau CCTV neu gamera car, ffonio 101 neu anfon neges uniongyrchol atom ni gan grybwyll rhif cofnod 2300138393.
Gallwch ffonio Crimestoppers yn ddienw ar 0800 555 111 gyda manylion.