NEWYDDION DIWEDDARAF | Dyn wedi’i gyhuddo ar ôl ymosodiad yng Nghwmbrân

Galwyd swyddogion i West Roedin, Coed Efa, tua 8.45pm dydd Iau 15 Mehefin yn dilyn adroddiadau am ymosodiad; mae dyn 25 oed o Gwmbrân yn derbyn triniaeth yn yr ysbyty.

Cawsom adroddiad am ymosodiad yn West Roedin, Cwmbrân tua 8.45pm dydd Iau 15 Mehefin.

Aeth swyddogion i’r safle, ynghyd â phersonél o Wasanaeth Ambiwlans Cymru, ac aethpwyd â dyn 25 oed o ardal Cwmbrân i’r ysbyty lle mae mewn cyflwr sefydlog.

Arestiwyd dyn 28 oed o ardal Cwmbrân ac mae wedi cael ei gyhuddo o ymgais i lofruddio a niwed corfforol difrifol bwriadol. Mae’n parhau i fod yn y ddalfa a disgwylir iddo ymddangos gerbron Llys Ynadon Casnewydd heddiw (dydd Llun 19 Mehefin).

Gofynnir i unrhyw un â gwybodaeth ein ffonio ni ar 101, neu anfon neges uniongyrchol atom ar Facebook neu Twitter, gan grybwyll rhif cofnod 2300197354.

Fel arall, gallwch gysylltu â Crimestoppers yn ddienw ar 0800 555 111.