Helpwch i amddiffyn eich plant trwy ddysgu i adnabod arwyddion ecsbloetio
Cynnwys y prif erthygl
Ymunwch â'n gweminar, sy'n cael ei chynnal gan Parents Against Child Exploitation (Pace) i'ch helpu chi i ddeall yr arwyddion a'r hyn y gallwch ei wneud
Ddydd Mawrth 14 Mawrth, mae Pace yn cynnal gweminar gymunedol am ddim i rieni a gofalwyr yng Ngwent.
Bydd y weminar yn eich helpu chi i adnabod arwyddion ecsbloetio plant.
Byddwch yn dysgu am ecsbloetio troseddol a llinellau cyffuriau, sut i adnabod yr arwyddion, a byddwch yn clywed profiadau rhywun a ddioddefodd ecsbloetio pan oedd yn blentyn.
Yn hwyrach yn y flwyddyn bydd cyfle i chi ddod â'ch plant gyda chi, er mwyn iddyn nhw ddysgu am y peryglon ac adnabod yr arwyddion hefyd.
Meddai Ditectif Ringyll Simon Thomas, sy'n arwain ar Gaethwasiaeth Fodern:
"Mae'r sesiynau hyn yn ffordd wych i bobl gyda phlant ymgyfarwyddo ag arwyddion ecsbloetio plant.
"Mae ecsbloetio'n digwydd ar sawl ffurf, o werthu, cadw a symud cyffuriau, sy'n cael ei adnabod fel llinellau cyffuriau, i fagu perthynas amhriodol, y mae pob un ohonynt yn eithriadol o niweidiol i blant a'u teuluoedd.
"Gall adnabod yr arwyddion fod yn anodd ond bydd y weminar yma'n gallu eich helpu chi i adnabod arwyddion cynnar, a gallai atal hyn rhag digwydd i'ch plentyn chi neu blentyn rydych chi'n ei adnabod.
“Os yw eich plentyn, neu blentyn rydych chi'n ei adnabod, ar goll yn aml, os oes ganddo arian heb esboniad, neu sawl ffôn symudol, ymysg llawer o newidiadau eraill i'w ymddygiad, mae'n bosibl ei fod yn cael ei ecsbloetio.”
Bydd Pace yn esbonio sut gall ecsbloetio edrych yn ardal Gwent a chynnig cyngor a chymorth.
Bydd y weminar ryngweithiol yn rhoi cyfle i chi ofyn cwestiynau, rhannu pryderon a chysylltu â phobl eraill.
Cofrestrwch ar gyfer y digwyddiad yma.