Apêl am dystion ar ôl gwrthdrawiad yng Nghasnewydd

Mae swyddogion sy’n ymchwilio eisiau siarad ag unrhyw fodurwyr a oedd yn teithio ar Heol Caerdydd, Casnewydd, rhwng 8.50pm a 9.15pm dydd Sul 12 Tachwedd, neu unrhyw un â lluniau camera car neu TCCC.

Rydyn ni’n apelio am dystion ar ôl gwrthdrawiad traffig ffyrdd ar Heol Caerdydd, Casnewydd tua 9.10pm dydd Sul 12 Tachwedd. 

Aeth swyddogion i’r safle, ynghyd â pharafeddygon o Wasanaeth Ambiwlans Cymru. 

Roedd y gwrthdrawiad rhwng beic modur KTM a char Toyota Prius. Aethpwyd â gyrrwr y beic modur, dyn 28 oed, i’r ysbyty gydag anafiadau sy’n newid bywyd. 

Rydyn ni’n gofyn i unrhyw un a allai fod wedi gweld y gwrthdrawiad, neu unrhyw fodurwyr â lluniau camera car, a oedd yn defnyddio Heol Caerdydd rhwng 8.50pm a 9.15pm gysylltu â ni. 

Gallwch ein ffonio ni ar 101 neu anfon neges uniongyrchol atom ni ar Facebook neu Twitter, gan ddyfynnu rhif cofnod 2300385984 gydag unrhyw fanylion. 

Fel arall, gallwch ffonio Crimestoppers yn ddienw ar 0800 555 111.