Pump o bobl wedi’u harestio yn dilyn gwarantau ym Blaenau Gwent a Chaerffili
Cynnwys y prif erthygl
Rydyn ni wedi arestio pump o ddynion ar amheuaeth o droseddau cyflenwi cyffuriau yn dilyn diwrnod o weithredu ym Margod, Brynmawr a Fochriw dydd Iau 26 Hydref.
Arestiwyd pum dyn ar amheuaeth o droseddau cyflenwi cyffuriau ar ôl i swyddogion weithredu cyfres o warantau ddydd Iau 26 Hydref.
Yn ystod y gweithredu aeth swyddogion i ddau gyfeiriad yn Fochriw, un ym Margod ac un ym Mrynmawr i chwilio’r adeiladau.
Atafaelwyd eitemau’n cynnwys cyffuriau a ffonau symudol gan swyddogion.
Arestiwyd dyn 22 oed o Frynmawr a dau ddyn o Fochriw, 21 a 27 oed, ar amheuaeth o ymwneud â chyflenwi cyffuriau dosbarth A.
Arestiwyd dau ddyn o Fargod, 19 a 25 oed, ar amheuaeth o ymwneud â chyflenwi cyffuriau dosbarth B.
Maen nhw i gyd yn y ddalfa o hyd wrth i ymholiadau barhau.
Meddai Ditectif Arolygydd David Trew:
"Mae ein swyddogion yn gweithio’n ddiflino i wasgu’n dynn ar droseddau difrifol a chyfundrefnol, gan gynnwys troseddau cyflenwi cyffuriau.
"Does dim lle i gyffuriau anghyfreithlon yn ein cymunedau ac mae’r gwarantau yma’n dangos ein hymrwymiad i wneud Gwent yn lle gelyniaethus i bobl sy’n benderfynol o achosi gofid trwy gyflenwi cyffuriau.
"Mae swyddogion o’n tîm plismona rhagweithiol, y tîm ymateb a’r tîm cymdogaeth wedi gweithio gyda’i gilydd i weithredu pedair gwarant ledled bwrdeistrefi Caerffili a Blaenau Gwent, gan arestio pum dyn ar amheuaeth o droseddau cyflenwi cyffuriau.
"Mae casglu gwybodaeth yn chwarae rhan ganolog yn llywio’r ymgyrchoedd yma a’n hymdrechion i darfu ar gyflenwi a’r troseddau sy’n gysylltiedig â chyffuriau.
“Mae gwybodaeth gennych chi yn gwneud gwahaniaeth gwirioneddol, felly gofynnwn yn daer ar bobl sy’n pryderu am droseddau cyffuriau yn eu hardal i’n ffonio ni ar 101 neu 999 mewn argyfwng.
"Fel arall, gallwch gysylltu a Crimestoppers yn ddienw ar 0800 555 111."