Apêl yn dilyn difrod troseddol yng Nghasnewydd
Cynnwys y prif erthygl
Rydyn ni’n apelio am dystion ar ôl adroddiad am ddifrod troseddol ar yr M4, ger cyffordd 24.
Mae swyddogion yn ymchwilio i adroddiad am ddifrod troseddol, yn dilyn ffrae rhwng dau yrrwr ar yr M4, tua’r gorllewin ger cyffordd 24, tua 5.40pm ddydd Mawrth 19 Medi.
Roedd y digwyddiad rhwng dau gar - Skoda Octavia llwyd tywyll gyda logo cwmni ar y blaen a BMW X3 arian.
Yn ôl pob sôn aeth y teithiwr yn sedd flaen y BMW allan o’r cerbyd a defnyddio cyllell i achosi difrod i fonet a ffenestr flaen ochr y teithiwr y Skoda Octavia cyn mynd yn ôl i mewn i’r BMW a gadael y safle.
Arestiwyd dyn 22 oed o ardal Caerffili ar amheuaeth o yrru dan ddylanwad cyffuriau, difrod troseddol a meddu ar arf troseddol.
Arestiwyd dyn arall, hefyd yn 22 oed o ardal Caerffili, ar amheuaeth o feddu ar arf troseddol a difrod troseddol.
Mae’r ddau ddyn wedi cael eu rhyddhau ar fechnïaeth wrth i’n hymholiadau ni barhau.
Rydyn ni’n apelio am luniau camera car neu wybodaeth gan unrhyw un a oedd yn gyrru ar hyd y rhan hon o’r ffordd rhwng 5.15pm a 5.30pm ddydd Mawrth 19 Medi.
Gofynnir i unrhyw un â gwybodaeth ein ffonio ni ar 101, gan grybwyll rhif cofnod 2300318335 neu anfonwch neges uniongyrchol atom ni ar gyfryngau cymdeithasol.
Fel arall, gallwch gysylltu â Crimestoppers yn ddienw ar 0800 555111 gyda manylion.