Datgymalu ffatri ganabis fawr yng Nghasnewydd

Mae dau ddyn wedi’u cyhuddo ar ôl i swyddogion  ddarganfod ffatri ganabis fawr yn hen adeilad Wilding yn Commercial Street, Casnewydd. 

Mae dau ddyn wedi cael eu cyhuddo ar ôl i swyddogion ddarganfod ffatri ganabis fawr yn hen adeilad Wilding yn Commercial Street, Casnewydd. 

Cyhuddwyd dyn 27 oed a dyn 28 oed o Gasnewydd o gynhyrchu cyffur rheoledig Dosbarth B – canabis - ac maen nhw wedi cael eu cadw yn y ddalfa.  

Cafodd y ffatri ganabis ei darganfod yn y siop wag ddydd Mawrth 10 Hydref yn dilyn adroddiadau am weithgarwch amheus yn yr adeilad.  

Daeth swyddogion o hyd i dros 3,000 o blanhigion canabis yn yr adeilad ac arestiwyd dau ddyn ar amheuaeth o gynhyrchu canabis. Maen nhw wedi cael eu cyhuddo a byddant yn ymddangos gerbron y llys ddydd Mawrth 9 Tachwedd.  

Meddai Cwnstabl Heddlu Mathew Tucker, y swyddog yn yr achos:

“Mae pob ffatri ganabis rydyn ni’n ei datgymalu yn helpu i atal cylch dieflig o drosedd. Trwy darfu ar ffynhonnell y gweithrediadau, rydyn ni’n rhwystro’r planhigion rhag cael eu gwerthu i’n cymunedau ac yn rhwystro’r elw rhag cael ei ddefnyddio i dalu am droseddau eraill. 

“Mae’r cyhoedd yn chwarae rôl bwysig yn rhoi gwybodaeth i ni ac rydyn ni’n annog unrhyw un â phryderon i gysylltu â ni. 

“Os ydych chi’n credu bod rhywbeth o’i le, efallai bod rhywbeth o’i le. Peidiwch ag aros, rhowch wybod i ni.  

“Gallwch wneud hyn drwy ffonio 101, anfon neges atom ni ar gyfryngau cymdeithasol, neu yn ddienw drwy Crimestoppers.”