Apêl am dystion yn dilyn achos o dorri i mewn yn Nhredegar
Cynnwys y prif erthygl
Rydyn ni’n ymchwilio i adroddiad am fyrgleriaeth ym Mharc Busnes Crown, Tredegar tua 10pm dydd Mawrth 26 Medi.
Rydyn ni’n ymchwilio i adroddiad am fyrgleriaeth ym Mharc Busnes Crown, Tredegar ar ôl i nifer o eitemau gael eu cymryd o uned fasnachol.
Yn ôl pob sôn, cafodd nifer o eitemau, gan gynnwys offer a thri cherbyd, eu cymryd rhwng 10pm a 10.30pm dydd Mawrth 26 Medi.
Mae un cerbyd wedi cael ei adfer ond mae dau gerbyd, Ford Ranger aur a lori Volvo gwely gwastad gwyn a choch, ar goll o hyd.
Mae ymholiadau’n parhau a gall unrhyw un â gwybodaeth, gan gynnwys lluniau CCTV neu gamera car, ffonio 101 neu anfon neges uniongyrchol atom ni ar gyfryngau cymdeithasol, gan grybwyll rhif cofnod 2300327611.
Gallwch gysylltu â Crimestoppers yn ddienw hefyd ar 0800 555 111.