Cyhuddo tri wrth i ffatri ganabis gael ei datgymalu ym Mrynmawr
Cynnwys y prif erthygl
Arestiwyd tri dyn ar amheuaeth o dyfu cyffuriau dosbarth B ar ôl i fferm ganabis 'ar raddfa fawr' gael ei darganfod mewn eiddo ym Mrynmawr ddydd Gwener 22 Medi.
Cawsom adroddiadau bod fferm ganabis yn gweithredu mewn cyfeiriad yn ardal Brynmawr.
Ar ôl cyrraedd yr eiddo, cafodd tri dyn - 53 oed, 48 oed, a 51 oed eu harestio ar amheuaeth o dyfu cyffur dosbarth B (canabis).
Ers hynny maen nhw wedi cael eu cyhuddo a'u cadw yn y ddalfa.
Bu swyddogion o dîm plismona cymdogaeth Brynmawr yn chwilio'r eiddo a chanfuwyd tua 340 o blanhigion yn yr adeilad.
Dywedodd Martyn Pugh, Rhingyll Plismona Cymdogaeth ym Mlaenau Gwent:
"Mae ein swyddogion wedi cynnal chwiliad o'r eiddo ac wedi tarfu ar ymgyrch fasnachol sylweddol yn tyfu canabis yng Ngwent.
"Mae casglu gwybodaeth yn chwarae rhan hanfodol yn ein hymdrechion i fynd i'r afael â'r cyflenwad o gyffuriau anghyfreithlon a tharfu arnynt.
"Rydym wedi ymrwymo i amddiffyn ein cymunedau rhag cyffuriau a'r troseddau sy'n gysylltiedig â chyflenwi, sy’n gallu cael effaith ddinistriol ar ein cymunedau.
"Mae eich adroddiadau wir yn gwneud gwahaniaeth, rydyn ni’n dal i ofyn i unrhyw un sydd ag unrhyw wybodaeth neu bryderon am ddefnyddio neu ddelio cyffuriau yn eu hardal nhw gysylltu drwy ein ffonio ni ar 101 neu Crime Stoppers yn ddienw ar 0800 555 111."