Pedwar dyn wedi’u harestio yn dilyn gwarantau yng Nghasnewydd a Chaerdydd
Cynnwys y prif erthygl
Gweithredodd swyddogion bedair gwarant mewn cyfeiriadau yng Nghasnewydd a Chaerdydd ddydd Mercher 13 Medi.
Gweithredodd swyddogion dair gwarant mewn cyfeiriadau yn Corporation Road a Stow Hill, Casnewydd a gwarant arall mewn cyfeiriad yn Cefn Coed Road, Caerdydd yn ystod oriau mân dydd Mercher 13 Medi.
Yn ystod Ymgyrch Silver gweithredwyd y gwarantau mewn cysylltiad ag ymchwiliad i gyflenwi cyffuriau.
Arestiwyd dyn 44 oed, dyn 36 oed, dyn 60 oed a dyn 66 oed ar amheuaeth o gynllwynio i gyflenwi cyffuriau.
Mae’r pedwar ohonyn nhw yn y ddalfa.
Meddai Ditectif Arolygydd Ian Bartholomew:
"Rydyn ni’n gobeithio bod y gwarantau yma’n dangos ein hymrwymiad parhaus i amddiffyn ein cymunedau rhag effeithiau niweidiol nid yn unig cyffuriau ond y troseddau sy’n gysylltiedig â nhw hefyd.
"Mae cymorth gan y cyhoedd yn hollbwysig gyda’r gwaith yma, a gofynnaf yn daer ar bobl i roi gwybod i ni am unrhyw weithgarwch amheus neu anarferol yn eu hardal er mwyn i ni allu gweithredu.
“Os ydych chi’n pryderu am ddelio cyffuriau yn eich ardal chi, ffoniwch ni ar 101 neu 999 mewn argyfwng. Fel arall, gellir cysylltu â Crimestoppers yn ddienw ar 0800 555 111.”