Cadw ffyrdd Gwent yn ddiogel

Cynhaliodd swyddogion o’n tîm Plismona Ffyrdd a Gweithrediadau Arbenigol (RPSO) ymgyrch diogelwch ar y ffyrdd dydd Llun.

Cynhaliodd swyddogion o’n tîm RPSO ymgyrch diogelwch ar y ffyrdd yng Trecelyn ddydd Llun (18 Medi) yn rhan o ymgyrch diogelwch defnyddwyr ffyrdd agored i niwed cenedlaethol.

Defnyddwyr ffyrdd agored i niwed yw:

• beicwyr
• beicwyr modur
• cerddwyr
• marchogwyr.

Ymunodd optometrydd ardystiedig â’r swyddogion, a gynhaliodd brofion llygaid a siarad â gyrwyr am bwysigrwydd iechyd y llygaid a phrofion rheolaidd.

Arestiwyd nifer o bobl:

• un person am yrru tra’r oedd wedi’i wahardd
• un person am fod ag arf troseddol yn ei feddiant
• dau o bobl am fod â sylweddau anghyfreithlon yn eu meddiant
• tri o bobl am yrru dan ddylanwad cyffuriau.

Cafodd y troseddau traffig canlynol eu riportio:

• dau yrrwr am yrru heb drwydded
• dau yrrwr am fod â theiars wedi gwisgo
• dau yrrwr am blatiau rhif anghyfreithlon
• dau yrrwr am droseddau arlliw ar ffenestri
• pedwar o bobl am beidio â gwisgo gwregys diogelwch
• chwe gyrrwr am lwythi anniogel
• saith gyrrwr am yrru heb yswiriant
• atafaelwyd wyth cerbyd.

Meddai Rhingyll RPSO Dan Wise, sy’n arwain yr ymgyrch yma:

“Mae’r ymgyrch yma’n atgoffa pobl bod ein swyddogion ar batrôl ar ffyrdd Gwent ac yn helpu i gadw holl ddefnyddiwr y ffyrdd yn ddiogel.

“Mae gweithio ochr yn ochr â phartneriaid fel Optometreg Cymru yn ein helpu ni i ddysgu gyrwyr am bwysigrwydd bod yn ofalus o gwmpas defnyddwyr ffyrdd agored i niwed.

“Nid rhoi tocynnau i bawb oedd nod yr ymgyrch yma, roeddem ni eisiau ymgysylltu gyda defnyddwyr y ffyrdd ar bob cyfle, i addysgu pobl os yn bosibl, a gorfodi lle’r oedd angen.”

Meddai Steve Wilding, optometrydd ardystiedig a ymunodd â swyddogion ar gyfer yr ymgyrch yma:

“Mae’n bwysig bod pobl yn cofio bod safon y DVLA ar gyfer gyrru yn seiliedig nid yn unig ar lefel eich golwg, ond ar eich golwg perifferol hefyd.

“Mae’n hollbwysig eich bod yn cadw eich llygaid yn iach. Mae diet da a ffordd o fyw iach yn cyfrannu at iechyd y llygaid da.

“Dylai pobl gael prawf llygaid bob dwy flynedd. Dylai pobl sydd â diabetes neu sydd â hanes o glawcoma yn y teulu gael prawf bob blwyddyn.”