Apêl am dystion ar ôl gwrthdrawiad ar yr A465
Cynnwys y prif erthygl
Mae swyddogion eisiau siarad ag unrhyw un a oedd yn teithio ar yr A465, tua’r gorllewin, rhwng Rhymni a Dowlais tua 6.30pm dydd Mawrth 12 Medi.
Cawsom adroddiad am wrthdrawiad traffig ffyrdd ar yr A465, tua’r gorllewin rhwng Rhymni a Dowlais, tua 6.30pm dydd Mawrth 12 Medi.
Aeth swyddogion i safle’r gwrthdrawiad, ynghyd â phersonél o Wasanaeth Ambiwlans Cymru, y Gwasanaeth Ambiwlans Awyr a Gwasanaeth Tân ac Achub De Cymru.
Un car oedd yn y gwrthdrawiad - Fiat Tapo gwyn.
Yn anffodus, bu farw’r gyrrwr, dyn 79 oed, yn y fan a’r lle.
Mae ei deulu agosaf wedi cael gwybod ac maen nhw’n cael cymorth gan swyddogion arbenigol.
Mae swyddogion sy’n ymchwilio i’r gwrthdrawiad yn gofyn i unrhyw fodurwyr a oedd yn teithio ar yr A465 rhwng 6pm a 6.30pm dydd Mawrth 12 Medi neu unrhyw un â lluniau camera car neu CCTV gysylltu â ni.
Ffoniwch 101, gan grybwyll rhif cofnod 2300309623, neu anfonwch neges uniongyrchol atom ni ar gyfryngau cymdeithasol.