Dwy warant wedi’u gweithredu gan swyddogion yn Nhrefynwy
Cynnwys y prif erthygl
Gwnaethom atafaelu clorian, pib ysmygu crac, a ffonau symudol o’r tu mewn i’r adeiladau.
Atafaelodd swyddogion glorian, pib ysmygu crac, a ffonau symudol mewn cyrchoedd cynnar y bore yn Nhrefynwy heddiw (dydd Gwener 12 Ebrill).
Gwnaethom weithredu gwarantau mewn dau gyfeiriad preswyl yn Whitecross Street, Trefynwy, o dan y Ddeddf Camddefnyddio Cyffuriau.
Chwiliodd swyddogion y ddau gyfeiriad a daethant o hyd i eitemau cysylltiedig â chynhyrchu cyffuriau.
Meddai Arolygydd Cymdogaeth Trefynwy, Emma Sowrey:
"Byddwn yn parhau i weithio’n ddiflino i wasgu’n dynn ar bobl sy’n cynhyrchu, gwerthu, a chyflenwi cyffuriau anghyfreithlon yn Nhrefynwy.
"Mae’r cyhoedd yn chwarae rhan hollbwysig yn rhoi gwybodaeth bwysig i ni a gofynnwn i unrhyw un â phryderon gysylltu â ni ar unwaith.
“Os ydych chi’n teimlo bod rhywbeth o’i le, efallai eich bod yn iawn. Peidiwch ag aros, riportiwch y mater.
"Os oes gennych chi unrhyw bryderon am gyffuriau yn eich ardal chi, rhowch wybod i ni drwy ffonio 101 neu drwy anfon neges atom ni ar gyfryngau cymdeithasol.
"Fel arall, gallwch riportio’r mater wrth Crimestoppers, yn ddienw, ar 0800 555 111."