Apêl am dystion yn dilyn gwrthdrawiad mewn maes parcio meddygfa yng Nghil-y-coed
Cynnwys y prif erthygl
Mae swyddogion eisiau siarad ag unrhyw un a oedd yn, neu ger, maes parcio Meddygfa Gray Hill yng Nghil-y-coed dydd Sadwrn 13 Ebrill rhwng 11am a 11.25am.
Cywiriad - roedd yr adroddiad a gafwyd i ddechrau’n nodi bod gwrthdrawiad wedi digwydd ym maes parcio Meddygfa Gray Hill ond, ers cyhoeddi’r apêl yn gynharach heddiw, rydym wedi cael gwybod bod y gwrthdrawiad wedi digwydd yn y maes parcio drws nesaf i’r feddygfa. Gofynnir i unrhyw un a oedd yn neu’n agos at y maes parcio drws nesaf i’r feddygfa neu ym maes parcio’r feddygfa gysylltu â ni gydag unrhyw fanylion.
-----------------------------------------------------------------------------------------
Mae swyddogion sy’n ymchwilio i wrthdrawiad rhwng car a cherddwr ym Meddygfa Gray Hill, Cil-y-coed, yn apelio ar unrhyw un a allai fod wedi gweld y gwrthdrawiad i gysylltu â nhw.
Cawsom adroddiad am wrthdrawiad traffig ffyrdd ym maes parcio Meddygfa Gray Hill, Cil-y-coed tua 11.25am dydd Sadwrn 13 Ebrill.
Aeth swyddogion i’r lleoliad, ynghyd â pharafeddygon o Wasanaeth Ambiwlans Cymru.
Roedd y gwrthdrawiad rhwng car - Vauxhall Corsa du, a cherddwr. Cafodd y cerddwr, menyw 79 oed o Gil-y-coed anafiadau sy’n newid bywyd ac aethpwyd â hi i’r ysbyty i gael triniaeth.
Rydym yn gofyn i unrhyw un a allai fod wedi gweld y gwrthdrawiad, neu unrhyw un â lluniau camera car neu CCTV o faes parcio Meddygfa Gray Hill neu’r ardaloedd o gwmpas, rhwng 11am a 11.25am, gysylltu â ni.
Gallwch ein ffonio ni ar 101 neu anfon neges uniongyrchol atom ni ar Facebook neu X, gan grybwyll rhif cofnod 2400118919 gydag unrhyw fanylion.
Fel arall, gallwch gysylltu â Crimestoppers yn ddienw ar 0800 555 111.