Apêl am dystion ar ôl gwrthdrawiad ger Y Fenni
Cynnwys y prif erthygl
Oeddech chi’n teithio ar hyd yr A465 yn Llanfihangel Crucornau tua 4.10pm dydd Iau 9 Ebrill?
Cawsom adroddiad am wrthdrawiad traffig ffyrdd ar yr A465 yn Llanfihangel Crucornau, ger Y Fenni, tua 4.10pm dydd Mawrth 9 Ebrill.
Yn ôl pob sôn, aeth cerbyd anhysbys (credir mai oren oedd ei liw) heibio i gerbyd anhysbys arall wrth deithio i’r gogledd tuag at Henffordd.
Achosodd hyn i Volkswagen Polo a oedd yn teithio i’r de tuag at Y Fenni adael y ffordd a throi drosodd.
Aeth swyddogion i’r lleoliad ac ni chafwyd unrhyw sôn am anafiadau.
Mae swyddogion yn ymchwilio i’r gwrthdrawiad yn awr ac maen nhw eisiau siarad â gyrwyr y cerbydau dan sylw ac unrhyw fodurwyr a oedd yn teithio ar yr A465 yn Llanfihangel Crucornau rhwng 4.10pm a 4.30pm dydd Mawrth 9 Ebrill.
Gofynnir i unrhyw un â gwybodaeth, gan gynnwys lluniau camera car neu CCTV, gysylltu â ni drwy ffonio 101 a chrybwyll rhif cofnod 341 o 9 Ebrill 2024.
Fel arall, gallwch anfon neges uniongyrchol atom ni ar gyfryngau cymdeithasol neu ffonio Crimestoppers, yn ddienw, ar 0800 555 111.