TEYRNGED: ‘Y gŵr bonheddig mwyaf caredig a hael’

Mae teulu dyn o Gasnewydd a fu farw ar ôl gwrthdrawiad traffig ffyrdd ar Heol Caerdydd, Casnewydd ddydd Iau 8 Chwefror wedi talu teyrnged iddo.

Mae teulu dyn o Gasnewydd, a fu farw ar ôl gwrthdrawiad ar Heol Caerdydd, Casnewydd wedi talu teyrnged iddo, gan ei ddisgrifio fel dyn ‘caredig, hael ac arbennig’.

Cafodd swyddogion adroddiad am wrthdrawiad traffig ffyrdd - tua 4.50pm ddydd Iau 8 Chwefror.

Roedd y gwrthdrawiad rhwng car Hyundai i10 lliw arian – a cherddwr.
Aethpwyd â’r cerddwr, dyn 84 oed o Gasnewydd, i’r ysbyty lle y bu farw’n ddiweddarach.

Gallwn gyhoeddi mai ei enw yw Charles Sully; mae ei deulu agosaf wedi cael gwybod ac maen nhw’n derbyn cymorth gan swyddogion arbenigol.

Mae teulu Charles wedi talu teyrnged iddo, gan ddweud:

“Charles oedd y gŵr bonheddig mwyaf caredig a hael ac roedd yn frawd, brawd-yng-nghyfraith, ac ewythr arbennig i’w holl deulu.

“Bydd colled fawr ar ei ôl gan bawb oedd yn ei adnabod.

“Hoffem ddiolch i bawb a’i helpodd ar safle’r gwrthdrawiad a gofynnwn am breifatrwydd ar yr adeg anodd yma.”

Charles Sully, 84.

Arestiwyd dyn 44 oed o ardal Casnewydd ar amheuaeth o achosi anaf difrifol trwy yrru peryglus, gyrru cerbyd tra’n anghymwys oherwydd cyffuriau, a gwrthod aros ar ôl damwain ffordd.

Cafodd ei ryddhau dan ymchwiliad tra mae ein hymholiadau’n parhau.

Rydyn ni’n gofyn i unrhyw un â lluniau TCCC, camera car neu gamera cloch drws, neu dystion a allai fod wedi gweld Hyundai i10 lliw arian yn teithio rhwng Heol Caerdydd a Gaer Vale yng Nghasnewydd adeg y gwrthdrawiad, gysylltu â ni.

Gallwch ein ffonio ni ar 101 neu anfon neges uniongyrchol atom ni ar gyfryngau cymdeithasol, gan grybwyll rhif cofnod 2400045681.

Gallwch ffonio Crimestoppers yn ddienw hefyd ar 0800 555 111.