Rhan o’r M4 wedi cau ar ôl gwrthdrawiad marwol
Cynnwys y prif erthygl
Mae swyddogion yn dal ar y safle ar ôl y gwrthdrawiad rhwng tri char rhwng cyffyrdd 28 a 29 tua’r dwyrain ger Casnewydd.
Cawsom adroddiad am wrthdrawiad traffig ffyrdd ar yr M4, ger Casnewydd, tua 9pm dydd Llun 29 Ionawr.
Mae swyddogion yn dal ar y safle ar ôl y gwrthdrawiad rhwng tri char - BMW X4, Vauxhall Agila a Volkswagen Polo - rhwng cyffyrdd 28 a 29 tua’r dwyrain.
Cyhoeddwyd bod gyrrwr y Vauxhall, dyn 52 oed o Gasnewydd, wedi marw yn y fan a’r lle ac mae ei deulu agosaf wedi cael gwybod ac maent yn derbyn cymorth gan swyddogion arbenigol.
Arestiwyd dyn 34 oed o Gaerdydd ar amheuaeth o achosi marwolaeth drwy yrru peryglus ac mae yn y ddalfa tra bod ymchwiliad yr heddlu’n parhau.
Meddai Uwch-arolygydd Mike Richards:
“Tra mae ein swyddogion yn parhau i weithio ar safle’r gwrthdrawiad, mae pob lôn ar y draffordd rhwng cyffyrdd 28 a 30 tua’r dwyrain ar gau ar hyn o bryd ac mae traffig yn cael ei ddargyfeirio.
“Rydym yn gwybod bod hyn yn debygol o darfu yn sylweddol ar deithwyr felly rydym yn gofyn i fodurwyr osgoi’r ardal a dilyn y dargyfeiriadau.”