Helpwch ni i gadw ffyrdd Gwent yn ddiogel
Cynnwys y prif erthygl
Mae ein swyddogion wedi cynnal ymgyrchoedd diogelwch ar y ffyrdd, gan rannu gwybodaeth gyda gyrwyr a thynnu troseddwyr oddi ar y ffyrdd
Dydd Gwener 31 Mai, daeth swyddogion o bob rhan o Went at ei gilydd i helpu i gadw modurwyr yn ddiogel.
Cafodd yr ymgyrch ei arwain gan swyddogion o’n timau ymateb a phatrôl, ac roedd yn gyfle gwych i swyddogion sy’n fyfyrwyr ddysgu gan eu cymheiriaid fel rhan o’u hyfforddiant.
Ar y diwrnod:
- arestiwyd un person am yrru dan ddylanwad alcohol
- arestiwyd un person am yrru dan ddylanwad cyffuriau
- siaradodd swyddogion ag un person am droseddau arfau tanio, ac atafaelwyd yr arf tanio
- atafaelwyd dau gerbyd am ddiffyg yswiriant
- cyflwynwyd saith adroddiad o drosedd traffig
- cafodd wyth o gerbydau eu stopio a chwilio.
Meddai Cwnstabl Heddlu Grant Nicholson, a arweiniodd yr ymgyrch:
“Mae canlyniadau’r ymgyrch yma’n destament i’n hymrwymiad i amddiffyn a thawelu meddwl ein cymunedau.
“Yn ystod yr ychydig oriau y cynhaliwyd yr ymgyrch hwn, siaradodd y tîm â llawer o yrwyr i gynnig cyngor iddynt, i rannu gwybodaeth gyda nhw, ac i wirio cerbydau.
“Ein neges i bobl sy’n defnyddio ein rhwydwaith ffyrdd i gyflawni troseddau neu i roi pobl eraill mewn perygl trwy yrru dan ddylanwad alcohol neu gyffuriau, yw na fyddwn yn goddef yr ymddygiad yma; rydym wedi ymroi i gadw ein ffyrdd yn ddiogel.”
Gallwch gyflwyno lluniau camera car o yrru peryglus trwy gyfrwng y ddolen yma: https://gosafesnap.wales/
Os ydych chi’n credu bod rhywun yn gyrru dan ddylanwad diod a/neu gyffuriau, ffoniwch 101 neu anfonwch neges atom ni ar Facebook neu X.
Ffoniwch 999 bob tro mewn argyfwng.