Dau o bobl wedi’u cyhuddo ar ôl i swyddogion atafaelu cyffuriau gwerth £290,000
Cynnwys y prif erthygl
Gwelodd swyddogion ar batrôl yn ardal Maendy, Casnewydd, rywun roeddent yn amau oedd yn gwerthu cyffuriau ar Albert Avenue tua 1.45pm dydd Llun 17 Mehefin.
Gwelodd swyddogion ar batrôl yn ardal Maendy, Casnewydd, rywun roeddent yn amau oedd yn gwerthu cyffuriau ar Albert Avenue tua 1.45pm dydd Llun 17 Mehefin.
Gwnaethom arestio dyn 40 oed ar amheuaeth o fod â chyffur rheoledig dosbarth B - canabis - yn ei feddiant gyda’r bwriad o gyflenwi, ac atafaelu ffôn symudol.
Wedyn chwiliodd ein swyddogion gyfeiriad preswyl yn Albert Avenue, Maendy, lle gwnaethant atafaelu cyffuriau gwerth £290,000 tybiedig ar y stryd, swm o arian a beic trydan.
Yn y cyfeiriad, gwnaethom arestio menyw 59 oed ar amheuaeth o fod â chyffuriau dosbarth B yn ei meddiant gyda’r bwriad o gyflenwi.
Ers hynny mae’r dyn wedi cael ei gyhuddo o gynllwynio i gyflenwi cyffur rheoledig dosbarth B - resin canabis, cynllwynio i gyflenwi cyffur rheoledig dosbarth B, caffael/defnyddio/meddu ar eiddo troseddol, a chyflenwi cyffur rheoledig dosbarth B - canabis.
Ers hynny mae’r fenyw wedi cael ei chyhuddo o gynllwynio i gyflenwi cyffur rheoledig dosbarth B - resin canabis, caffael/defnyddio/meddu ar eiddo troseddol, a chyflenwi cyffur rheoledig dosbarth B - canabis.
Ymddangosodd y ddau ohonynt gerbron Llys Ynadon Casnewydd dydd Mercher 19 Mehefin lle cawsant eu remandio i’r ddalfa.