Rydym yn newid amseroedd agor desgiau blaen mewn dwy orsaf er mwyn adlewyrchu dewis y cyhoedd
Cynnwys y prif erthygl
Yn dilyn adolygiad diweddar o’r ffordd mae trigolion yn defnyddio ein gwasanaethau, rydym yn treialu amseroedd agor newydd mewn dwy orsaf.
Yn ddiweddar gwnaethom gynnal arolwg o’r gwasanaeth desg flaen yng ngorsafoedd heddlu Coed-duon a Chanol Casnewydd.
Cynhaliwyd yr arolwg i gael gwell dealltwriaeth o’r ffordd mae’r cyhoedd eisiau defnyddio ein gwasanaethau, a sut gallwn fodloni’r galw ym mhob ardal.
Yn ystod y gwiriadau, canfu swyddogion bod mwy a mwy o bobl yn parhau i gysylltu â ni ar y ffôn, ar gyfryngau cymdeithasol ac ar y wefan, tra mae llai o bobl yn ymweld yn bersonol â’n desgiau blaen yng Nghasnewydd. Yn y cyfamser mae mwy o bobl yn ymweld â Choed-duon ar amseroedd penodol.
Yn dilyn yr arolwg, byddwn yn treialu amseroedd agor newydd ar gyfer y desgiau blaen yma yn unol â’r ffordd mae’r cyhoedd yn dewis cysylltu â ni.
Canol Casnewydd | O 1 Gorffennaf, bydd y ddesg flaen ar agor i aelodau’r cyhoedd rhwng 8am a 6pm, saith diwrnod yr wythnos.
Gorsaf Heddlu Coed-duon | O 1 Gorffennaf, bydd yr orsaf yn treialu oriau agor estynedig i’r cyhoedd rhwng 8am a 6pm, dydd Llun i ddydd Gwener.
Trwy gydol y cyfnod prawf o dri mis, byddwn yn parhau i gasglu sylwadau gan y cyhoedd a’n staff ac yn parhau i ddadansoddi sut mae aelodau’r cyhoedd yn dewis cysylltu â ni.