Apêl am dystion ar ôl gwrthdrawiad beic trydan yng Nghasnewydd
Cynnwys y prif erthygl
Mae swyddogion sy’n ymchwilio i wrthdrawiad yn Eric Coates Walk, Casnewydd lle’r aethpwyd â dyn 21 oed i’r ysbyty, yn apelio am dystion.
Cawsom adroddiad am wrthdrawiad traffig ffyrdd ar y llwybr troed y tu ôl i Eric Coates Walk, Casnewydd, tua 7.15pm dydd Llun 24 Mehefin.
Aeth swyddogion i’r safle, ynghyd â phersonél o Wasanaeth Ambiwlans Cymru.
Credir bod y gwrthdrawiad wedi digwydd tua 6pm ac roedd yn ymwneud ag un beic trydan math Sur-Ron.
Yn ôl pob sôn gadawodd gyrrwr y beic trydan y safle yn dilyn y gwrthdrawiad, tra aethpwyd â’r teithiwr piliwn i’r ysbyty gydag anafiadau difrifol.
Rydym yn gofyn i unrhyw un a allai fod wedi gweld y gwrthdrawiad, neu unrhyw fodurwyr gyda lluniau camera car, a oedd yn yr ardal rhwng 5.30pm a 7.15pm gysylltu â ni.
Gallwch ein ffonio ni ar 101 neu anfon neges uniongyrchol atom ni ar Facebook neu X, gan grybwyll rhif cofnod 2400209223 gydag unrhyw fanylion.
Fel arall, gallwch ffonio Crimestoppers yn ddienw ar 0800 555 111.