Gorchymyn gwasgaru i fynd i’r afael ag ymddygiad gwrthgymdeithasol ar Ystâd Betws, Casnewydd
Cynnwys y prif erthygl
Daeth y gorchymyn 48 awr, sy’n cynnwys Canolfan Siopa Betws a’r ardal o amgylch, i rym am 6.40pm dydd Mercher 27 Mawrth.
Daeth gorchymyn gwasgaru i rym ar gyfer Ystâd Betws, Casnewydd, am 6.40pm dydd Mercher 27 Mawrth yn dilyn adroddiadau am ymddygiad gwrthgymdeithasol.
Bydd y gorchymyn yn parhau mewn grym tan 6.40pm dydd Gwener 29 Mawrth ac mae’n cynnwys Tone Road, Tone Close, Canolfan Siopa Betws, Monnow Way, Clwb Cymdeithasol Betws a’r ardal o gwmpas, Lambourne Way, Lambourne Crescent, Blackwater Close, Wye Crescent, Helford Square, Llyfrgell Betws, Canolfan Gymuned Betws a thafarn y Nightingale.
Mae gorchmynion gwasgaru’n rhoi pwerau ychwanegol i swyddogion anfon grwpiau o'r ardal os ydynt yn ymwneud ag ymddygiad gwrthgymdeithasol neu anhrefn, os ydynt yn aflonyddu ar aelodau'r cyhoedd, eu dychryn neu’n peri gofid iddynt, neu os yw swyddogion yn credu y gallai eu hymddygiad arwain at ymddygiad gwrthgymdeithasol.