Helpwch ni i ddychwelyd gemwaith a oedd yn eiddo i’w wir berchennog am dros 50 mlynedd

Yn dilyn adroddiad am fyrgleriaeth yng Nghaerffili rydym yn gobeithio dychwelyd eitemau o emwaith i’w gwir berchennog.

Cawsom adroddiad am fyrgleriaeth ar ôl i rywun dorri i mewn i dŷ yn Heol Pontygwindy rhwng 10am dydd Sadwrn 9 Mawrth a 2pm dydd Sul 10 Mawrth yn ôl pob sôn.

Dywedodd Ditectif Gwnstabl Christiane Fortt, y swyddog yn yr achos:

"Cafodd swmp o emwaith ei ddwyn, a oedd o werth personol enfawr i’w berchennog. Roedd llawer o’r eitemau wedi bod yn eiddo i’r unigolyn am dros 50 mlynedd.

"Hoffem eich help chi i ddychwelyd yr eitemau yma i’w gwir berchennog.

"Os ydych chi’n credu eich bod wedi gweld unrhyw rai o’r eitemau, neu os oes gennych chi unrhyw wybodaeth am y fyrgleriaeth, gan gynnwys lluniau CCTV neu gamera car o’r ardal ar y pryd - rydym eisiau siarad â chi."

Mae’r rhestr lawn o emwaith a gafodd ei ddwyn yn cynnwys:

• • Oriawr aur gydag wyneb crwn a strap o gynllun clwydi
  • Oriawr arian gydag wyneb sgwâr
  • Cadwyn sofren ddiemwnt
  • Tair modrwy briodas band aur
  • Dwy fodrwy aur melyn a diemwnt
  • Modrwy glwstwr diemwnt
  • Modrwy ddiemwnt tair llinell
  • Modrwy dragwyddol ddiemwnt
  • Clustdlysau perl
  • Cadwyn aur gyda chroes fach aur
  • Modrwy arian gyda diemwntau, mae un garreg ar goll
  • Modrwy band arian
  • Modrwy aur melyn a gwyn gyda diemwntau bach
  • Modrwy ruddem aur melyn
  • Chwe chadwyn aur
  • Mwy na 10 modrwy aur ac arian
  • Broetsh gyda chefndir gwyrdd a dyn wedi ei baentio’n eistedd i lawr
  • Loced hirgrwn aur gyda chadwyn aur, tua 2-4cm ar ei thraws. Yn ei bocs gwyn gwreiddiol, ‘does dim llun ynddi.
  • Loced hirgrwn aur gyda chadwyn aur, tua 2-4cm ar ei thraws. Mae llun o fachgen yn ei arddegau ynddi.
  • Loced hirgrwn aur gyda chadwyn aur, tua 2-4cm ar ei thraws. Mae llun o ddyn ynddi.
  • Cyllell boced fach, tua 2 fodfedd o hyd, mae perlau ar ochr y casyn.

Ffoniwch 101 neu anfonwch neges atom ar gyfryngau cymdeithasol gan grybwyll 2400080513.

Fel arall, gallwch gysylltu â Crimestoppers yn ddienw ar 0800 555 111 gyda manylion.