Ymateb gan y Prif Gwnstabl i ymchwiliad Swyddfa Annibynnol Ymddygiad yr Heddlu (IOPC)
Cynnwys y prif erthygl
Ymateb gan y Prif Gwnstabl i ymchwiliad Swyddfa Annibynnol Ymddygiad yr Heddlu (IOPC)
Prif Gwnstabl Heddlu Gwent, Pam Kelly:
"Pan adroddwyd y mater hwn i ni gyntaf ym mis Tachwedd 2022, cefais fy synnu gan gynnwys y negeseuon WhatsApp ac roeddwn yn benderfynol o sicrhau bod yr ymddygiad hwn yn cael ei drin yn gadarn.
"Mae honiadau yn erbyn cyn-swyddogion Heddlu Gwent a rhai sy'n gwasanaethu, yn ymwneud â thrafodaethau ar grŵp WhatsApp, wedi bod yn destun ymchwiliad annibynnol trylwyr gan Swyddfa Annibynnol Ymddygiad yr Heddlu (IOPC).
"Canlyniad eu hymchwiliad yw y bydd dau swyddog sy'n gwasanaethu ac un cyn-swyddog yn wynebu gwrandawiadau camymddwyn difrifol y byddwn yn eu cynnal cyn gynted â phosibl. Rydym eisoes wedi cynnal cyfarfodydd camymddwyn ar gyfer pedwar swyddog; canfuwyd bod honiadau o gamymddwyn wedi eu profi ar gyfer tri swyddog ac maent wedi derbyn rhybudd ysgrifenedig. I'r pedwerydd swyddog, ni phrofwyd camymddwyn.
"Tynnodd yr IOPC eu hymchwiliad yn ôl i swyddog arall sy'n gwasanaethu.
"O ran y swyddog arall sydd wedi ymddeol a'r rhai sydd wedi ymddiswyddo, rydym ar hyn o bryd wedi ein cyfyngu gan Reoliadau'r Heddlu o ran pa gamau y gallwn eu cymryd. Pe byddent yn dal i wasanaethu, byddent wedi wynebu achos camymddwyn.
"Mae ein cymunedau a'n staff yn haeddu'r safonau uchaf gan ein swyddogion, ac rydym yn parhau i weithio'n galed i ddelio â'r rhai nad ydynt yn bodloni ein disgwyliadau uchel.
"Mae'r rhan fwyaf o swyddogion yn gwasanaethu ein cymunedau gyda balchder, proffesiynoldeb ac uniondeb. Dyna beth mae'r cyhoedd yn ei ddisgwyl a'r hyn y maent yn ei haeddu.
"Rydym wedi bod yn gwbl glir na fyddwn yn goddef ymddygiad gwael a dylai'r achos hwn fod yn rhybudd amlwg o ganlyniadau ymddygiad amhriodol ar-lein."