Rydym yn apelio am eich cymorth yn dilyn gwrthdrawiad traffig ffordd yng Nghemais Isaf

Hoffem siarad ag unrhyw un a oedd ar Usk Road o Abernant Road i Frynbuga rhwng 10.10pm a 10.30pm ddydd Mercher 20 Mawrth.

Rydym yn apelio am dystion ar ôl derbyn adroddiad o wrthdrawiad traffig ffordd ar Usk Road ger Newbridge on Usk tua 10.20pm ddydd Mercher 20 Mawrth.

Aeth swyddogion yno gyda phersonél o Wasanaeth Ambiwlans Cymru a Gwasanaeth Tân ac Achub De Cymru.

Roedd dau gar yn rhan o’r gwrthdrawiad - Audi A3 llwyd a Land Rover Range Rover llwyd.

Cadarnhaodd parafeddygon fod gyrrwr yr Audi, dyn 36 oed, wedi marw yn y fan a'r lle.

Mae ei berthnasau agosaf wedi cael gwybod ac maent yn derbyn cefnogaeth gan swyddogion arbenigol.

Rydym yn gofyn i unrhyw un a allai fod wedi gweld y gwrthdrawiad neu unrhyw un sydd â lluniau dashcam neu deledu cylch cyfyng ar Usk Road, ger Newbridge on Usk, rhwng 10.10pm a 10.30pm i gysylltu â ni.

Gallwch ein ffonio ar 101 neu anfon neges uniongyrchol atom ar Facebook neu Twitter, gan ddyfynnu'r cyfeirnod log 2400092968 gydag unrhyw fanylion.

Fel arall, gallwch ffonio Crimestoppers yn ddienw ar 0800 555 111.