Dau ddyn wedi’u cyhuddo o droseddau cyffuriau ar ôl ymchwiliad llinellau cyffuriau
Cynnwys y prif erthygl
Mae dau ddyn wedi ymddangos gerbron llys ar gyhuddiad o ymwneud â chyflenwi cyffuriau Dosbarth A
Mae ymchwiliad dan arweiniad swyddogion troseddau difrifol a threfnedig wedi arwain at nifer o gyhuddiadau i ddau ddyn o Gaerdydd.
Ddydd Gwener 10 Mai, arestiodd swyddogion ddyn 19 oed ar amheuaeth o ymwneud â chyflenwi cyffuriau Dosbarth A (crac cocên a chocên), bod â chyffuriau Dosbarth B (canabis) yn ei feddiant gyda’r bwriad o gyflenwi, a bod â chyllell yn ei feddiant.
Cafodd ei gyhuddo o’r troseddau yma yn ddiweddarach ac ymddangosodd gerbron Llys Ynadon Casnewydd ddydd Sadwrn 11 Mai, lle caniatawyd mechnïaeth gydag amodau iddo.
Ddydd Gwener, arestiodd swyddogion fenyw 44 oed o Gaerffili hefyd, ar amheuaeth o gynllwynio i gyflenwi cyffuriau Dosbarth A ar ôl i swyddogion weithredu gwarant mewn eiddo preswyl yn y dref. Mae hi wedi cael ei rhyddhau tra bod ymchwiliad yn parhau.
Dydd Llun, arestiodd swyddogion ddyn 19 oed, o ardal Llanisien, ar amheuaeth o ymwneud â chyflenwi cyffuriau.
Cafodd ei gyhuddo o’r canlynol:
- ymwneud â chyflenwi cyffur Dosbarth A - cocên
- ymwneud â chyflenwi cyffur Dosbarth A - crac cocên
- ymwneud â chyflenwi – canabis
- bod â chyffur Dosbarth A yn ei feddiant gyda’r bwriad o gyflenwi - cocên
- bod â chyffur Dosbarth A yn ei feddiant gyda’r bwriad o gyflenwi – crac cocen
- cynllwynio i gyflenwi cyffur Dosbarth A - cocên.
Ymddangosodd y dyn 19 oed gerbron Llys Ynadon Casnewydd ddydd Mawrth 14 Mai, lle cafodd ei remandio i’r ddalfa.
Bydd y ddau ddyn yn ymddangos gerbron y llys eto ym mis Mehefin.