Mae teulu Lee Crewe fu farw ar Chepstow Road, Casnewydd, ddydd Mawrth 14 May, wedi talu teyrnged iddo.
Cynnwys y prif erthygl
'Roedd Lee yn hyfryd y tu mewn a thu allan'
Mae teulu Lee Crewe, fu farw ddydd Mawrth 14 Mai, wedi talu teyrnged iddo, gan ddweud ei fod yn ‘hyfryd y tu mewn a thu allan'.
Galwyd swyddogion i Chepstow Road, Casnewydd, ddydd Mawrth 14 Mai wedi i Lee gael ei ddarganfod yn anymwybodol gydag anafiadau difrifol.
Cadarnhaodd parafeddygon o Wasanaeth Ambiwlans Cymru yn hwyrach ei fod wedi marw; mae ei deulu yn cael cefnogaeth gan swyddogion arbenigol.
Mae teulu Lee bellach wedi talu teyrnged iddo gan ddweud:
"Roedd Lee yn hyfryd, y tu mewn a thu allan.
"Roedd ganddo bersonoliaeth heintus a oedd bob amser yn goleuo ystafell.
"Bydd gennym bob amser gwlwm na fydd yn torri a bydd bob amser yn ein meddyliau. Tan y gwnawn gwrdd eto ein mab annwyl."
Arestiwyd dyn o Gasnewydd, 21 oed, ar amheuaeth o lofruddiaeth ac mae’n dal i fod yn nalfa’r heddlu ar hyn o bryd.
Nid ydym yn chwilio am unrhyw un arall mewn cysylltiad â’r farwolaeth ac ar hyn o bryd rydym yn credu ei fod yn ddigwyddiad unigol.
Mae swyddogion yn yr ardal yn gwneud ymholiadau, os oes gennych unrhyw bryderon neu wybodaeth, siaradwch â nhw.
Rydym yn dal i apelio am wybodaeth, os oes gennych unrhyw wybodaeth, hyd yn oed os ydych chi’n credu ei fod yn ddibwys, a allai gynorthwyo ein hymholiadau, ffoniwch 101 neu anfonwch neges uniongyrchol atom ar y cyfryngau cymdeithasol gan ddyfynnu 2400157385.
Gofynnir i unrhyw un a oedd â lluniau dashcam, neu deledu cylch cyfyng, o Chepstow Road, neu yn yr ardal o gwmpas Merriott Place, rhwng 4.45pm a 7pm i gysylltu â ni hefyd.
Gallwch hefyd gysylltu â Crimestoppers yn ddienw drwy ffonio 0800 555 111 gydag unrhyw fanylion.