Dyn wedi’i gael yn euog o lofruddio dyn o Gasnewydd
Cynnwys y prif erthygl
Bydd dyn o Gasnewydd yn cael ei ddedfrydu am lofruddiaeth ar ôl i reithgor ei gael yn euog yn Llys y Goron Casnewydd dydd Gwener 1 Tachwedd.
Plediodd David Sisman, 21, yn ddieuog i lofruddio Lee Crewe, 36, ond roedd y rheithgor yn unfryd ei fod yn euog.
Galwyd swyddogion i Chepstow Road, Casnewydd, dydd Mawrth 14 Mai ar ôl i Lee gael ei ganfod yn ddiymateb gydag anafiadau difrifol.
Cadarnhaodd parafeddygon o Wasanaeth Ambiwlans Cymru yn ddiweddarach ei fod wedi marw.
Meddai Ditectif Brif Arolygydd Virginia Davies, yr uwch swyddog ymchwilio:
“Bu farw Lee yn druenus o ifanc o ganlyniad uniongyrchol i weithredoedd Sisman.
“Rydyn ni’n gwybod na fydd y ddedfryd yma’n dod â Lee yn ôl, ond rydyn ni’n gobeithio y bydd y canlyniad yma’n rhywfaint o gysur i’w deulu.
“Hoffwn dalu teyrnged i’r teulu am y dewrder anhygoel maen nhw wedi’i ddangos gydol y broses boenus yma.
“Maen nhw yn ein meddyliau o hyd."
Bydd Sisman yn cael ei ddedfrydu yn ddiweddarach.