Swyddogion Rhymni’n dod o hyd i eitemau Nadolig a oedd wedi cael eu dwyn
Cynnwys y prif erthygl
Mae swyddogion wedi arestio dau o bobl ac wedi dod o hyd i ‘lond sled’ o nwyddau wedi’u dwyn yn dilyn adroddiadau am ladrad ym Mharc Manwerthu Lakeside, Brynmawr, nos Fercher.
Cawsom adroddiadau bod stoc Nadolig yn cael ei ddwyn o’r ardal lwytho y tu ôl i siop The Range, a’i roi mewn car.
Pan wnaethant ymateb i’r alwad, honnir bod un o’r lladron wedi gyrru at y swyddogion ac wedi gadael yr ardal ar gyflymder mawr.
Yn y pen draw arweiniodd ymholiadau’r swyddogion nhw i gyfeiriad yn Rhymni’r diwrnod wedyn, lle daethant o hyd i lond ystafell o eitemau, gan gynnwys cracers, addurniadau ac ornaments Nadolig.
Gwnaethom arestio dyn 41 oed o Dredegar ar amheuaeth o ladrad, ymgais i anafu’n fwriadol a gyrru cerbyd modur yn beryglus, a menyw 50 oed o Rymni ar amheuaeth o ladrad.
