Apêl am dystion ar ôl gwrthdrawiad yn Llanelen
Cynnwys y prif erthygl
Rydyn ni’n apelio am dystion ar ôl gwrthdrawiad traffig ffyrdd ar yr A4042, Llanelen, tua 5.10pm dydd Iau 21 Tachwedd.
Aeth swyddogion i’r safle, ynghyd â phersonél o Wasanaeth Ambiwlans Cymru.
Roedd y gwrthdrawiad rhwng Ford Ranger llwyd a cherddwr.
Aethpwyd â’r cerddwr, menyw 55 oed o Gasnewydd, i’r ysbyty ac mae hi yno o hyd mewn cyflwr difrifol. Mae ei theulu wedi cael gwybod.
Arestiwyd dyn 40 oed o Bont-y-pŵl ar amheuaeth o achosi anaf difrifol trwy yrru heb dalu sylw dyledus, gyrru cerbyd heb fod mewn cyflwr addas oherwydd cyffuriau, a gyrru dros y terfyn rhagnodedig ar gyfer cyffuriau.
Mae wedi cael ei ryddhau tra bod ein hymchwiliad yn parhau.
Rydyn ni’n gofyn i unrhyw un â lluniau TCCC, camera car, cloch drws, neu dystion a allai fod wedi gweld y gwrthdrawiad, gysylltu â ni.
Gallwch ein ffonio ni ar 101 neu anfon neges uniongyrchol atom ni ar Facebook neu X, gan grybwyll rhif cofnod 2400387976, gydag unrhyw fanylion.
Fel arall, gallwch gysylltu â Crimestoppers yn ddienw ar 0800 555 111.