Gyrrwr wedi’i arestio ar ôl i’w gar gael ei chwilio ar Heol Malpas

Daliodd swyddogion ddyn 39 oed o Dorfaen ar Heol Malpas, cyn ei arestio ar amheuaeth o droseddau cyffuriau.

Mae dyn o Dorfaen wedi cael ei arestio ar amheuaeth o droseddau cyffuriau ar ôl i swyddogion o’n huned troseddau difrifol a threfnedig chwilio ei gar ar Heol Malpas.

Ar ôl stopio’r car a’i chwilio’n drwyadl, atafaelodd swyddogion dros £2500 mewn arian parod, cyffuriau dosbarth A, a ffonau symudol.

Arweiniodd hyn at chwilio cyfeiriad yn Llantarnam, lle daethant o hyd i dros 100 o barseli cyffuriau dosbarth A wedi’u lapio.

Gwnaethom arestio’r dyn 39 oed ar amheuaeth o fod â chyffuriau dosbarth A yn ei feddiant ac mae yn nalfa’r heddlu o hyd.