Amnest arfau tanio cenedlaethol

Ildiwch eich arfau tanio gwag yn ddiogel yn ystod mis Chwefror.

Rhwng 3 a 28 Chwefror, mae pob heddlu yn y Deyrnas Unedig yn cynnal amnest ar gyfer arfau tanio gwag â baril wedi ei rwystro’n llwyr o Dwrci y mae'n awr yn anghyfreithlon i fod yn berchen arnynt.

Ar ôl 28 Chwefror, bydd unrhyw un sydd â TVBF yn eu meddiant yn agored i gael eu herlyn a'u carcharu am hyd at 10 mlynedd.

Beth yw arf tanio gwag â baril wedi ei rwystro’n llwyr o Dwrci (Turkish Top Venting Blank Firer (TVBF)?

Gwn gwag yw TVBF gyda baril wedi ei rwystro'n llwyr ac mae wedi'i ddylunio i saethu cetris gwag yn unig.

Fel arfer maen nhw'n cael eu gwerthu gydag o leiaf 50 y cant o'u harwyneb wedi ei baentio mewn lliw llachar, er, mae llawer o bobl sy'n bwriadu defnyddio'r gwn ar gyfer gweithgareddau troseddol yn eu paentio nhw'n ddu i gyd er mwyn iddynt edrych fel arf tanio go iawn.

Hyd yn awr, mae wedi bod yn gyfreithlon i fod yn berchen ar yr arfau yma, ond mae tystiolaeth yn dangos eu bod yn cael eu cysylltu fwyfwy gyda gweithgareddau troseddol, gan gynnwys bygythion ac ymgeision i wneud iddynt edrych fel gwn llaw go iawn.

Mae'n hawdd troi'r modelau penodol (isod) sydd wedi'u cynnwys yn yr amnest yn arfau tanio, sy'n eu gwneud nhw'n anghyfreithlon o dan y Ddeddf Arfau Tanio 1968.

Pam mae hyn yn bwysig?

Ers 2021, mae asiantaethau gorfodi'r gyfraith y Deyrnas Unedig wedi dod o hyd i fwy na 800 o'r gynnau yma mewn amgylchiadau troseddol ac maen nhw wedi cael eu defnyddio mewn o leiaf pedwar dynladdiad yn ystod y ddwy flynedd diwethaf.

Mae asiantaethau gorfodi’r gyfraith y Deyrnas Unedig wedi nodi bod arfau TVBF yn fygythiad sylweddol i ddiogelwch y cyhoedd - ac mae hynny wedi arwain at fesurau llymach.

Beth sydd angen i mi ei wybod am yr amnest?

Mae'r cyfnod amnest rhwng 3 a 28 Chwefror.

Mae'r amnest yn gyfle i waredu unrhyw arf TVBF yn ddiogel trwy fynd â nhw i orsaf heddlu leol.

Ni fyddwch yn cael eich erlyn am fod yn berchen ar un a gallwch fod yn anhysbys.

Y modelau rydym yn gofyn i bobl eu hildio yw arfau tanio gwag gyda baril wedi ei rwystro'n llwyr a gynhyrchwyd gan unrhyw un o'r canlynol:

• BLOW
• CEONIC
• EKOL
• RETAY

Sut a ble ydw i'n gallu ildio fy TVBF?

Gallwch ddod â'ch TVBF i unrhyw un o'r gorsafoedd canlynol:

• Gorsaf heddlu Canol Casnewydd (ar agor 8am-6pm bob dydd)
• Gorsaf heddlu Trefynwy ( ar agor 9am-1pm a 2pm-5pm dydd Llun i ddydd Gwener)
• Gorsaf heddlu Coed-duon (ar agor 9am-1pm a 2pm-5pm dydd Llun i ddydd Gwener)
• Gorsaf heddlu Cwmbrân (ar agor 9am-1pm a 2pm-5pm dydd Llun i ddydd Gwener)
• Gorsaf heddlu Glynebwy (ar agor 9am-1pm a 2pm-5pm dydd Llun i ddydd Gwener)

Er mwyn sicrhau diogelwch pan fyddwch yn cludo eich TVBF:

• Rhowch ef mewn bag neu focs er mwyn ei gario allan o olwg y cyhoedd
• Gwnewch siwrnai benodol er mwyn gwneud hyn i osgoi bod allan yn gyhoeddus gyda'r eitem am fwy o amser nac sydd angen
• Ar ôl i chi gyrraedd, esboniwch yn glir wrth y swyddogion ymholiadau eich bod yno i ildio arf tanio cyn ei roi iddyn nhw

Os nad ydych chi'n gallu dod i orsaf heddlu, gallwch ffonio 101 gan grybwyll cofnod 207 – 16/1/2025 i gael swyddog i gasglu'r arf tanio o'ch cartref.

Os oes gennych chi unrhyw gwestiynau, cysylltwch â [email protected]

I gael rhagor o wybodaeth, ewch i.