Apêl am dystion ar ôl gwrthdrawiad yng Nghas-gwent

Aeth swyddogion i safle gwrthdrawiad traffig ffyrdd yn Welsh Street, tua 7.30am ddydd Llun 10 Chwefror ac maen nhw’n apelio ar unrhyw un â gwybodaeth neu luniau camera car a all gynorthwyo eu hymholiadau.

Rydyn ni’n apelio am dystion ar ôl gwrthdrawiad traffig ffyrdd ar Welsh Street, Cas-gwent, tua 7.30am ddydd Llun 10 Chwefror.

Aeth swyddogion i’r safle, ynghyd â phersonél o Wasanaeth Ambiwlans Cymru, yn dilyn gwrthdrawiad rhwng lori a cherddwr.

Aethpwyd â’r cerddwr, menyw 51 oed, i’r ysbyty gydag anafiadau sy’n newid bywyd.

Arestiwyd dyn 30 oed o Sedbury ar amheuaeth o yrru dan ddylanwad cyffuriau ac achosi anaf difrifol trwy yrru peryglus. Mae yn y ddalfa ar hyn o bryd.

Mae ymholiadau’n parhau ac rydyn ni’n gofyn i unrhyw un a allai fod wedi gweld y gwrthdrawiad, neu unrhyw fodurwyr a oedd yn teithio ar Welsh Street rhwng 7am a 7.30am ddydd Llun 10 Chwefror, gysylltu â ni.

Gall unrhyw un â gwybodaeth, gan gynnwys lluniau TCCC neu gamera car, gysylltu â ni drwy ffonio 101 neu anfon neges uniongyrchol atom ni ar Facebook neu X gan grybwyll rhif cofnod 2500043760.