Apêl am dystion ar ôl ymosodiad yng Nghasnewydd

Rydyn ni’n apelio am dystion yn dilyn ymosodiad ger gwesty Tŷ Hotel, Casnewydd.

Cawsom adroddiad am ymosodiad ym maes parcio a derbynfa gwesty Tŷ Hotel, Casnewydd, rhwng 1am a 1.40am dydd Sul 16 Chwefror.

Aeth swyddogion i’r safle ac arestiwyd dyn 41 oed o ardal Caerdydd ar amheuaeth o drosedd adran 18 – niwed corfforol difrifol bwriadol ac ymosodiad trwy guro. Ers hynny mae wedi cael ei gyhuddo o’r troseddau yma.

Aethpwyd â menyw 39 oed i’r ysbyty am driniaeth.

Rydyn ni’n gofyn i unrhyw un a oedd yn yr ardal ar y pryd, ac unrhyw un â lluniau teledu cylch cyfyng neu gamera car, ffonio 101 neu anfon neges uniongyrchol atom ni gan grybwyll rhif cofnod 2500050932, gyda manylion.

Fel arall gallwch gysylltu â Crimestoppers yn ddienw ar 0800 555 111 gyda manylion.