Apêl i ddod o hyd i ferch yn ei harddegau o Gaerffili sydd ar goll

Rydyn ni’n apelio am wybodaeth i ddod o hyd i Ruby Jameson, o Aberbargod, Caerffili, ar ôl derbyn adroddiad ei bod ar goll.

Gwelwyd Ruby, 16, ddiwethaf yn ardal Aberbargod tua 12.40pm ddydd Mawrth 11 Chwefror ac mae swyddogion yn pryderu am ei lles.

Yn ôl y disgrifiad mae hi’n fain ac mae ganddi wallt hir tywyll.

Mae gan Ruby gysylltiadau â chanol dinas Caerdydd a Bargod.

Gofynnir i unrhyw un ag unrhyw wybodaeth ynghylch ble mae Ruby ein ffonio ni ar 101 neu anfon neges uniongyrchol atom ni ar y cyfryngau cymdeithasol, gan grybwyll rhif cofnod 2500045456.

Gofynnwn yn daer ar Ruby i gysylltu â ni hefyd.