Cyffuriau dosbarth A wedi’u hatafaelu mewn cyfeiriad yn Gaer
Cynnwys y prif erthygl
Mae swyddogion o dîm plismona cymdogaeth Casnewydd wedi cymryd mwy o gyffuriau oddi ar y strydoedd yn dilyn gwarant yn Gaer y bore yma.
Tua 7am, aeth swyddogion i mewn i adeilad ar Gaer Vale Avenue a daethant o hyd i fagiau’n cynnwys cyffuriau dosbarth A, geriach cyffuriau a ffonau symudol. Atafaelwyd y rhain.
Cafodd dyn 18 oed o Gasnewydd ei gadw yn y ddalfa ar amheuaeth o fod â chyffuriau dosbarth A yn ei feddiant gyda’r bwriad o gyflenwi, a bydd yn cael ei gyflweld yn wirfoddol dan rybuddiad yr heddlu.
Meddai Rhingyll Paul Turner:
"Mae swyddogion yn parhau i ddefnyddio gwybodaeth a gasglwyd o waith ymchwilio a gan y cyhoedd i gynllunio a gweithredu gwarantau fel un y bore yma.
"Rydyn ni wedi tynnu cyffuriau dosbarth A, y credir i fod yn grac cocên, oddi ar y strydoedd yn llwyddiannus ac wedi diogelu ein cymunedau rhag niwed.
"Mae’r ymgyrchoedd yma’n bosibl diolch i’r rhan hanfodol mae ein cymunedau’n ei chwarae yn rhoi gwybodaeth i ni, ac yn dweud wrthym ni am eu pryderon am droseddau cyffuriau.
"Mae’r wybodaeth yma, ni waeth pa mor fawr neu fach, yn ein helpu ni i gynllunio ymgyrchoedd i ddwyn troseddwyr o flaen eu gwell."
Os oes gennych chi unrhyw bryderon neu wybodaeth am gyflenwi neu ddelio cyffuriau anghyfreithlon yn eich cymuned, riportiwch y mater ar ein gwefan, drwy ffonio 101 neu drwy anfon neges uniongyrchol atom ni ar y cyfryngau cymdeithasol, er mwyn i ni weithredu.
Fel arall, gallwch gysylltu â Crimestoppers yn ddienw ar 0800 555 111, neu ewch i’w gwefan.