Wythfed dyn wedi’i gyhuddo o anhrefn treisgar yng Nghoed-duon a Threcelyn

Rydyn ni wedi cyhuddo wythfed dyn mewn cysylltiad â’r adroddiadau am anhrefn treisgar yng Nghoed-duon a Threcelyn ddydd Iau 13 Chwefror.

Ymddangosodd dyn 30 oed o ardal Pentwyn-mawr gerbron Llys Ynadon Casnewydd ar ôl iddo gael ei arestio ar amheuaeth o anhrefn treisgar ddydd Mawrth 18 Chwefror.

Cafodd saith o ddynion, rhwng 24 a 30 oed, eu remandio i’r ddalfa ar ôl iddyn nhw ymddangos gerbron yr un llys. Roedd pob un ohonyn nhw wedi’u cyhuddo o anhrefn treisgar.

Meddai Ditectif Arolygydd Elaine Newbury, yr uwch swyddog ymchwilio:

“Mae adroddiadau fel y rhain yn peri pryder i’n cymunedau, ond diolch i weithredoedd cyflym y bobl a riportiodd y digwyddiadau wrthym ni roedden ni’n gallu gweithredu’n gyflym ac yn benderfynol.

“Er bod y digwyddiadau yma’n brin, maen nhw’n ddifrifol iawn ac mae’r arestiadau yma’n dangos nad ydym ni’n fodlon goddef yr ymddygiad yma.

“Ein cysylltiad gyda’n cymunedau sy’n ysgogi ein gwaith i gadw Gwent yn ddiogel, ac rydyn ni’n falch i fod wedi gweithio’n gyflym ac yn ddiwyd er mwyn trigolion Coed-duon a Threcelyn i sicrhau’r cyhuddiadau yn erbyn yr wyth dyn yma.”

Mae ymholiadau ynghylch yr anhrefn treisgar yn parhau ac os oes gennych chi unrhyw wybodaeth a allai helpu, gallwch gysylltu â ni drwy ffonio 101, gan grybwyll y rhif cofnod canlynol: Coed-duon: 2500047958 / Trecelyn: 2500047973.

Gallwch anfon neges uniongyrchol atom ni ar Facebook neu X, neu gallwch riportio ar ein gwefan. Gallwch gysylltu â Crimestoppers hefyd, yn ddienw, ar 0800 555 111.