Bachgen yn ei arddegau o Rymni wedi’i gyhuddo o fyrgleriaeth

Mae swyddogion cymdogaeth wedi cyhuddo bachgen yn ei arddegau o Rymni o fyrgleriaeth yn dilyn adroddiadau am fyrgleriaeth yr wythnos yma.

Yn ôl pob sôn torrodd rhywun i mewn i dafarn ar Heol Aneurin Bevan rhwng 2am a 2.15am dydd Mercher 5 Chwefror, a honnir bod gwerth tua £3,000 o alcohol wedi cael ei ddwyn.

Gwelodd swyddogion ar batrôl nifer o unigolion yn rhedeg i ffwrdd o’r ardal ac yn taflu bagiau plastig a oedd yn cynnwys llawer o boteli.

Arweiniodd ein hymholiadau’r diwrnod canlynol at arestio bachgen 16 oed o Rymni ar amheuaeth o fyrgleriaeth.

Mae’r bachgen wedi cael ei gyhuddo o fyrgleriaeth a bydd yn ymddangos gerbron Llys Ynadon Casnewydd ddydd Gwener 7 Chwefror.