Dyn o Dredegar wedi’i gyhuddo o gynnau tân bwriadol a difrod troseddol
Cynnwys y prif erthygl
Cawsom ein galw i gyfeiriad yn Rhoslan, Tredegar, tua 5.40am ddydd Iau 13 Chwefror yn dilyn adroddiadau am dân bwriadol posibl.
Aeth swyddogion i’r safle ynghyd ag ymladdwyr tân o Wasanaeth Tân ac Achub De Cymru, a gadarnhaodd bod y tân wedi cael ei gynnau’n fwriadol.
Arestiwyd dyn 40 oed o ardal Tredegar ar amheuaeth o gynnau tân bwriadol, ond ar ôl edrych ar y dystiolaeth, cafodd ei arestio am gynnau tân gyda bwriad o beryglu bywyd a difrod troseddol.
Yn ddiweddarach cafodd ei gyhuddo o gynnau tân bwriadol yn ddi-hid o ran peryglu bywyd a difrod troseddol a chafodd ei remandio i’r ddalfa yn Llys Ynadon Casnewydd ddydd Sadwrn 15 Chwefror.