Dyn o Dredegar wedi’i gyhuddo o droseddau cyflenwi cyffuriau

Arestiwyd y dyn 28 oed ym Mrynhyfryd, Pontlotyn, ddydd Sul 2 Chwefror tua 10.45pm.

Daeth swyddogion ar batrôl rhagweithiol o hyd i gar amheus wedi ei barcio ym Mrynhyfryd, Pontlotyn, Caerffili, ddydd Sul 2 Chwefror tua 10.45pm.

Rhedodd tri dyn i ffwrdd pan aeth ein huned plismona ffyrdd a gweithrediadau arbenigol yn agos at y cerbyd, a oedd yn gysylltiedig â chyflenwi cyffuriau anghyfreithlon.

Fodd bynnag, gyda chymorth gan gi heddlu wedi’i hyfforddi’n arbenigol, daethom o hyd i un o’r dynion heb fod yn bell i ffwrdd.

Stopiodd y swyddogion y dyn a’i chwilio ac yna gwnaethant chwilio’r cerbyd gerllaw, ac atafaelu cocên, canabis, arian, ffôn symudol, clorian a bagiau snap.

Arestiwyd y dyn 28 oed ar amheuaeth o fod â chyffuriau dosbarth A a B yn ei feddiant gyda’r bwriad o gyflenwi.

Yn ddiweddarach, chwiliodd swyddogion gyfeiriad cysylltiedig â’r dyn, ac atafaelu clorian, arian a bagiau snap.

Cafodd ei gyhuddo o ymwneud â chyflenwi cocên, bod â chyffur rheoledig dosbarth A - cocên- yn ei feddiant gyda’r bwriad o gyflenwi, ymwneud â chyflenwi cyffur rheoledig dosbarth B - canabis, a bod â chyffur rheoledig dosbarth B - canabis - yn ei feddiant gyda’r bwriad o gyflenwi.

Ymddangosodd y dyn, o Dredegar, Blaenau Gwent, gerbron Llys Ynadon Casnewydd ddydd Mawrth 4 Chwefror lle cafodd ei remandio i’r ddalfa.