Dau o bobl wedi marw mewn tân mewn tŷ yn Abertyleri
Cynnwys y prif erthygl
Cawsom ein galw i adroddiad am dân mewn tŷ yn Adam Street, Abertyleri, tua 7.55am ddydd Sul 9 Chwefror.
Aeth swyddogion i’r safle ynghyd â thimau o Wasanaeth Tân ac Achub De Cymru, Ambiwlans Awyr Cymru a Gwasanaeth Ambiwlans Cymru.
Meddai Ditectif Arolygydd Steve Davies: "Gallwn gadarnhau bod dyn a menyw, y ddau ohonynt yn eu nawdegau, wedi marw ar y safle.
"Mae eu teulu agosaf wedi cael gwybod ac rydyn ni’n cydymdeimlo â nhw.
"Yn dilyn ymchwiliad ar y cyd gan Heddlu Gwent a Gwasanaeth Tân ac Achub De Cymru, nid yw achos y tân yn amheus, a bydd adroddiad yn cael ei baratoi ar gyfer y crwner.
"Hoffem ni ddiolch i’r gymuned am eu cefnogaeth."