Cyffuriau dosbarth C wedi’u hatafaelu wrth i swyddogion ymateb i bryderon yn y gymuned
Cynnwys y prif erthygl
Gweithredodd swyddogion cymdogaeth warant mewn eiddo masnachol yn Nhrecennydd ddoe (dydd Iau 30 Ionawr) yn dilyn adroddiadau gan drigolion am gyflenwi cyffuriau ac ymddygiad gwrthgymdeithasol.
Aethom i eiddo tua 11am, a chynnal chwiliad ac atafaelu nifer o gynwysyddion, y credir eu bod yn cynnwys ocsid nitrus.
Meddai Rhingyll Emilie Hughes:
"Rydyn ni wedi cael adroddiadau diweddar am y defnydd o ocsid nitrus yn Nhrecennydd ac ymddygiad gwrthgymdeithasol cysylltiedig â hynny.
"Gyda phartneriaid o Safonau Masnachu, aethom i eiddo fore dydd Iau ac atafaelu cyffuriau dosbarth C.
"Byddwn ni’n parhau i weithio gyda phartneriaid i wneud popeth o fewn ein gallu i atal cyflenwi cyffuriau, a rhwystro ymddygiad afreolus."
Mae swyddogion yn parhau i ymchwilio i gyflenwi cyffuriau yn yr ardal.
Os oes gennych chi unrhyw bryderon am gyflenwi cyffuriau neu ymddygiad gwrthgymdeithasol yn eich ardal, gallwch gysylltu â swyddogion ar y wefan, drwy ffonio 101, neu drwy anfon neges uniongyrchol atom ni ar y cyfryngau cymdeithasol.
Fel arall, gallwch ffonio Crimestoppers yn ddienw ar 0800 555 11 gyda gwybodaeth, neu cysylltwch â nhw ar eu gwefan.