Dau fachgen 15 oed wedi’u cyhuddo o ddwyn car yn Ystrad Mynach

Bydd dau fachgen yn ymddangos gerbron llys ieuenctid ym mis Chwefror ar ôl cael eu cyhuddo mewn cysylltiad â lladrad car yn Ystrad Mynach fis Medi diwethaf.

Galwyd swyddogion ar ôl i gar - Volvo XC90 - gael ei gymryd o gyfeiriad yn Stryd Lewis ddydd Llun 30 Medi tua 6pm.

Cawsom wybod wedyn am wrthdrawiad traffig ffyrdd yng Ngelligaer, a oedd yn ymwneud â chwech o gerbydau, ar yr un diwrnod.

Ymysg y cerbydau a oedd yn rhan o’r gwrthdrawiad roedd Volvo XC90, fan Ford Transit, Ford Focus a Volkswagen Beetle yn ogystal â dau gar wedi parcio – BMW 525D a Volvo XC40.

Arestiwyd bachgen 15 oed o ardal Gelligaer ar amheuaeth o gymryd cerbyd gwaethygol.

Yn ddiweddarach arestiwyd bachgen o Gil-y-coed, a oedd yn 14 oed ar y pryd, ar amheuaeth o gymryd cerbyd gwaethygol a gwneud difrod o £5,000 neu fwy i gerbyd.

Cafodd ei arestio hefyd ar amheuaeth o yrru cerbyd modur yn beryglus, gyrru cerbyd modur mewn ffordd nad yw’n unol â thrwydded, defnyddio cerbyd modur ar y ffordd neu mewn man cyhoeddus heb yswiriant trydydd parti.

Cyhuddwyd y ddau fachgen o’r troseddau yma a chawsant eu rhyddhau ar fechnïaeth amodol.

Byddant yn ymddangos gerbron Llys Ieuenctid Cwmbrân ddydd Mawrth 4 Chwefror.