Pedwar o bobl wedi’u harestio wrth i swyddogion darfu ar fyrgleriaeth yn Abertyleri
Cynnwys y prif erthygl
Arestiodd swyddogion bedwar bachgen ar amheuaeth o droseddau byrgleriaeth ddoe yn dilyn adroddiadau am bobl yn torri i mewn i adeilad gwag ar Alexandra Road, Six Bells.
Cawsom adroddiadau bod pedwar o bobl wedi mynd i mewn i adeilad gwag tua 6pm dydd Mawrth 28 Ionawr a’u bod yn chwilio’r adeilad gyda thortshis.
Cyrhaeddodd swyddogion o’n huned ymateb y safle, a rhedodd pedwar o bobl o’r cyfeiriad.
Gwnaethom eu hymlid a dal dau o bobl yn y cyffiniau, cyn arestio trydydd bachgen ychydig yn ddiweddarach.
Arestiwyd dau o’r bechgyn yma - un 17 oed o Nant-y-glo ac un 16 oed o Lan-ffwyst - ar amheuaeth o fyrgleriaeth gyda’r bwriad o ddwyn a rhodio â chyfarpar lladrata, ac arestiwyd bachgen 14 oed o Abertyleri ar amheuaeth o fyrgleriaeth gyda’r bwriad o achosi difrod.
Ymunodd triniwr ci gyda’r tîm, ac o fewn dim roedd ei gi Malinois Belg, Kona, wedi dod o hyd i bedwerydd person ger Alexandra Court.
Arestiwyd y bachgen yma, 17 oed o Abertyleri, ar amheuaeth o ymgais i fyrglera gyda’r bwriad o ddwyn, gwrthsefyll cwnstabl ac ymosod ar weithiwr y gwasanaethau brys.
Mae yn y ddalfa o hyd wrth i ni barhau gyda’n hymholiadau.