Ymchwiliadau i ladrad ac ymgeisiau i fyrglera yng Nghwmbrân

Mae Heddlu Gwent yn ymchwilio i ladrad a nifer o ymgeisiau i fyrglera sydd wedi cael eu riportio yn ardal Henllys, Cwmbrân.

Rydyn ni’n rhannu lluniau cloch drws Ring yn y gobaith y bydd yn rhoi proc i gof rhywun ac yn  helpu ein hymchwiliad.

Cafwyd ymgais i fyrglera mewn pum cyfeiriad gwahanol yn Pant yr Heol Close a Laburnam Drive rhwng tua 4.10am a 4.30am ddydd Gwener 6 Rhagfyr 2024.

Tua 4.40am cafod lladrad ei riportio ar Henllys Way hefyd.

Cafodd gyrrwr Nissan Qashqai coch, a oedd wedi stopio wrth ymyl conau traffig, ei fygwth ac ymosodwyd arno. Dihangodd y troseddwr yng nghar y dioddefwr, a gafodd ei ddarganfod yn hwyrach wedi ei adael yn Perthy Close gerllaw.

Derbyniodd y dioddefwr anaf bach i’w law.

Yn ôl y disgrifiad roedd y person dan amheuaeth yn ddyn gwyn, tua 5’11” o daldra, roedd yn fain, ac yn ei ugeiniau hwyr neu ei dridegau cynnar. Roedd yn gwisgo siaced ‘puffer’ lliw tywyll gyda llewys hir a chwfl, ac roedd ganddo fwgwd yn cuddio ei wyneb hyd at ei lygaid.

Mae’r disgrifiad yma’n cyd-fynd â’r disgrifiad o’r person dan amheuaeth yn yr ymgeisiau i fyrglera hefyd.

Rydyn ni wedi dilyn amryw o lwybrau ymchwilio ond hyd yma nid ydym yn gwybod pwy yw’r person dan amheuaeth.

Gofynnir i unrhyw yn ag unrhyw wybodaeth ffonio 101, gan grybwyll 2400403634, anfon neges uniongyrchol at yr heddlu ar y cyfryngau cymdeithasol, neu ffonio Crimestoppers yn ddienw ar 0800 555 111.