Apêl am dystion yn dilyn gwrthdrawiad marwol yn Church Street, Blaenau
Cynnwys y prif erthygl
Mae swyddogion sy'n ymchwilio i wrthdrawiad marwol yn Church Street, Blaenau yn apelio am dystion.
Cawsom adroddiad am y gwrthdrawiad tua 11.10am ddydd Sadwrn 18 Ionawr ac aeth swyddogion a pharafeddygon i'r safle.
Roedd y gwrthdrawiad rhwng cerddwr a fan. Yn anffodus, bu farw'r cerddwr, menyw 65 oed o Blaenau, yn y fan a'r lle.
Mae ei theulu agosaf wedi cael gwybod ac maen nhw'n cael cymorth gan swyddogion arbenigol.
Mae gyrrwr y fan, dyn 31 oed o Blaenau, yn helpu swyddogion gyda'u hymholiadau.
Mae swyddogion sy'n ymchwilio i'r gwrthdrawiad eisiau siarad ag unrhyw un a oedd yn teithio ar hyd Church Street neu a oedd yn yr ardal rhwng 10.50am a 11.15am ddydd Sadwrn 18 Ionawr.
Gofynnir i unrhyw un â gwybodaeth, gan gynnwys lluniau camera car neu deledu camera cylch cyfyng (TCCC), gysylltu â ni drwy ffonio 101, anfon neges uniongyrchol ar y cyfryngau cymdeithasol, neu ar ein gwefan, gan grybwyll rhif cofnod 2500018177.
Fel arall, gallwch ffonio Crimestoppers yn ddienw ar 0800 555 111 neu gallwch roi gwybodaeth ar eu gwefan.