Apêl yn dilyn gwrthdrawiad traffig ffyrdd yng Nghwmbrân

Mae swyddogion eisiau siarad ag unrhyw un a oedd yn teithio ar Cwmbrân Drive, Cwmbrân, rhwng 1.30pm a 2.15pm dydd Sul 16 Mawrth.

Rydyn ni’n apelio am wybodaeth ar ôl cael adroddiad am wrthdrawiad traffig ffyrdd ar Cwmbrân Drive, Cwmbrân, tua 1.50pm dydd Sul 16 Mawrth.

Aeth swyddogion i’r safle, ynghyd â Gwasanaeth Ambiwlans Cymru, Ambiwlans Awyr Cymru a Gwasanaeth Tân ac Achub De Cymru.

Beic modur oedd yr unig gerbyd yn y gwrthdrawiad.

Cadarnhaodd parafeddygon bod gyrrwr y beic modur, dyn 25 oed, wedi marw yn y fan a’r lle.

Mae ei deulu wedi cael gwybod ac maen nhw’n derbyn cymorth gan swyddogion arbenigol.

Rydyn ni’n gofyn i unrhyw un a welodd y gwrthdrawiad neu sydd â lluniau camera car neu deledu cylch cyfyng perthnasol, ar Cwmbrân Drive, Cwmbrân, rhwng 1.30pm a 2.15pm ddydd Sul, gysylltu â ni.

Gallwch gysylltu â ni ar ein gwefan, drwy ffonio 101 neu drwy anfon neges uniongyrchol atom ni ar ein tudalennau Facebook neu X, gan grybwyll rhif cofnod 2500083512.

Fel arall, gallwch ffonio Crimestoppers yn ddienw ar 0800 555 111 gyda gwybodaeth.