Apêl yn dilyn lladrad ac ymosodiad yng Nghasnewydd

Hoffem siarad ag unrhyw un a oedd yn Lidl, neu ym maes parcio Lidl, Rhisga, ddydd Mawrth 4 Chwefror.

Rydym yn apelio am dystion ar ôl derbyn adroddiadau am ladrad ac ymosodiad yn Lidl ac ym maes parcio Lidl tua 5pm ddydd Mawrth 4 Chwefror.

Honnwyd bod dau ddyn a menyw wedi gadael y siop gydag eitemau nad oeddent wedi talu amdanynt, a phan y’u heriwyd fe wnaethon nhw adael mewn cerbyd, gan wthio aelodau staff allan o'r ffordd.

Aeth swyddogion yno a chafodd dynes ei thrin am fân anafiadau.

Cafodd dyn 49 oed ei arestio ar amheuaeth o ladrata, gyrru’n beryglus ac ymosod drwy guro, cafodd dyn 30 oed hefyd ei arestio ar amheuaeth o ladrata ac ymosod. Mae bellach wedi ei ryddhau ar fechnïaeth amodol.

Mae swyddogion sy’n ymchwilio bellach yn gofyn am eich help - rydym am glywed gennych os wnaethoch weld y digwyddiad, neu os oeddech yn yr ardal ar y pryd a bod gennych luniau teledu cylch cyfyng neu dashcam.

Gallwch ein ffonio ar 101, rhoi gwybod drwy ein gwefan neu anfon neges uniongyrchol atom ar y cyfryngau cymdeithasol, gan ddyfynnu'r cyfeirnod 2500037608.